En de Nar

Beste Pikpotters,

D’r stit wee een nieuw carnavals seizoen voe de deure. Van’t jaere is ’t motto ‘Me è de wind in de zeilen’ en dat slaet natuurlijk op oe de carnaval bie ons aoltiet verloopt. Want me kunne nie zegge dat et slecht loopt. Wat een feest was et vorig jaere ehj! Dan komme de Paerehatters we hoed uut de verve ma et is toch nie zo als bie ons. En bie de Kraaiepikkers halen ze oalles uut de kaste om d’r da ok wee een mooi feestje van te maeke. In Ganzestad bin ze dr goed voe gekleed zodat ze hopelijk nog jaren deur kunne gae. Ma nu verder mae ons motto. Als et zo deur git mie de groei van de carnaval zulle me toch de nieuwbouw op de witte dam wee weg motte hijssen om plek te maeken voe nog een tente, want druk wast vorig jaere wae. Vant jaere motte ok et kwartettenbal organiseren en opelijk lopt dat feest net zo hoed als onze andere feestjes. Noe weet ik nie mae vee te vertellen maar opelijk zie ik julder wee bie de carnaval! Bie langste polonaise in een klein kotje bie de soos of de langzaamste polonaise bie de ouderenmiddag of de stilste polonaise in kerke? Of kiek je liever van de stoepe naar de pracht creaties die langzaam voorbie komme rieë? Of bin je een feestbeest en komme je ’s-aevens een biertje doe? Mikt nie uut wanneer je komt of waar je bie wil weze, me maeke dr mie me kaare een mooi feest van!!! Een feest vier je samen en nie alleen!

Alaaf, Nar Arjaen